Bosca Ceoil

Dátá: Dé Sathairn 1 Feabhra 2024.
Ionad: Newport National School.
Clárú: 9.30am
Ceardlann: 10am - 1pm.

Fiachna Ó Mongáin

Boscadóir as Dumha Thuama i nGaeltacht Iorrais i dTuaisceart Mhaigh Eo is ea Fiachna Ó Mongáin. Bronnadh Gradam Ceoil TG4 ar Fhiachna sa bhliain 2007 (Ceoltóir Óg na Bliana) agus bhí tionchar mór ag ceoltóirí ina cheantar féin  - cuid atá imithe romhainn agus cuid atá fós ar an bhfód - agus leithéidí Joe Cooley, Tony MacMahon agus Des Mulkere ar a stíl bhoscadóireachta. Tá ceol Fhiachna le cloisteáil ar roinnt taifeadtaí, ina measc an cnuasach “Tunes in the Church”, “Amhráin Iorrais” agus “Ceol Mhaigh Eo”.

Liam Mac Congáil

Is as Gaeltacht Iorrais é Liam, ceantar atá ar maos le ceol an bhosca ceoil. Thosaigh sé ag bualadh ceoil agus é sé bliana d’aois, faoi stiúradh a shin-sheanmháthar. Lean sé air ag seinm ar scoil nó go ndeachaigh sé chuig David Munnelly le haghaidh ranganna. Bhí an-tionchar ag ceoltóirí Iorrais ar a chuid ceoil agus tá an-dúil aige sa gceol traidisiúnta a taifeadadh sna Stáit Aontaithe sna 1920aidí.

Mary Staunton

Is amhránaí clúiteach agus boscadóir í Mary. Is as Tuar Mhic Éadaigh i nGaeltacht Mhaigh Eo í ó dhúchas, agus tá traidisiún fada ceoil aici le hoidhreacht. Bhí a seanmháthair, Nora Staunton, ar dhuine de na boscadóirí ba mhó a raibh meas uirthi sa cheantar agus bhí éileamh uirthi i gcónaí do na damhsaí tí áitiúla. Fidléir mór le rá ab ea athair Mary - Mattie - agus bíonn a máthair Kathleen, chomh maith le bheith ina hamhránaí breá, ag seinm ar an mbosca ceoil freisin. Ó bhí Mary ina cailín óg bhí sí ag góilín. Agus í ina déagóir, bhíodh Mary ag seinm go rialta le ceoltóir eile as Maigh Eo, John Hoban, agus sna blianta ina dhiaidh sin, sheinn sí le ceoltóirí clúiteacha lena n-áirítear Alec Finn, Steve Cooney agus Frankie Lane.
Seinneann Mary go binn agus go suairc, agus mar a dhéanann a comrádaithe ceoil, Sharon Shannon agus Josephine Marsh, bíonn fonn uirthi poirt neamhghnácha nach gcloistear go rómhinic a roghnú, chomh maith leis na poirt choitianta. Oireann an stíl atá ag Mary go han-mhaith do na poirt shéiseacha seanaimseartha. I measc a rogha foinn nach gcloistear go rómhinic tá an t-aer mall álainn ‘Inis Cara’ agus ríl darb ainm ‘The Hop Down’ a foghlaimíodh ó thaifeadadh a rinne na deirfiúracha as Gaillimh, Sarah agus Rita Keane. D'eisigh Mary a céad albam sa bhliain 1998. Seoladh a dara halbam, Circle of Friends, i gContae na Gaillimhe i mí Iúil 2010. Bíonn Mary ag seinm i seisiúin go rialta i gCinn Mhara agus i gCathair na Mart le Julie Langan.